"Dost hain tou zindagi hai"

“Dost hain tou zindagi hai…”

“Dost hain tou zindagi hai”. Ye jumla ye zahir karta  hai k dost k bagair zindagi bekar hai, fuzaool hai aur boring hai . Dost ALLAH ki taraf se diya howa ek tohfa hai mai is baat se sehmat hoon k doston k baghair zindagi mai wo maza nahin hota  jo doston k sath honay pe hota hai.

         Dosti ek aisa amar rishta hai jo hamesha aap k sath rehta hai magar achay dost ko parkhana , janna bohat mushkil hota hai aur ye jub he mumkin hota hai jub tak aap is k sath waqt na guzaro. Aiesi dosti ki misal mai Moin Akhter (late) aur Anwar Maqsood ki dosti se dungi . Bakawl Anwar Maqsood k ,

“Mai kalam (pen) hun aur Moin meray kalam ki nib aur ab is kalam ki nib toot chuki hy.”

Yani Moin Akhter ki death k baad Anwar Maqsood ne likhna chor diya hai.

          Doston k sath waqt guzar kr he in ki adaton ka pata chalta hai dost wo nahin jo dosti k daingain maray. Aaj kal k daur mai ek acha dost bohat mushkil se milta hai or aaj kal log apnay mufad aur kaam ki gharz se dosti kartay hain aur jab kam pura ho jaein tou aisay ho jatay hain jaisay k jantay he nahin aur mushkil se jo dost khush qismat login ko miltay hain in ki koi kadar nahin karta aur aaj kal k daur mai achay dost milna bohat mushkil hai.

           Dosti ek bohat khubsurat rishta hai agar is ko achi tarah nibhaya jaye tou ye hamesha sath rehta hai , ek achi yad ki tarah kyun k achay dost har buray waqt mai sath detay hain aur akhiri waqt tak apni dosti nibhatay hain aur  sacha dost hamesha ap ka wafadar rehta  hai, ap k sath husn-o-sulook se pesh ata hai.

          Dosti k baghair zindagi aisi hai jaisay baghair sitaron ka aasman, baghair noor ki ankhein,waqai dost hain tou zindagi hai. Aur baat school life k doston ki ho tou ….phr maza he aur hai  kiu k school life k dost ziada paidar hotay hain or remembering bhe bht hotay hain. Aakhir mai yeh kahon gi k………….

“dost hai tou zindagi hai or zindagi hai tou dost hain kyun k sacha dost zindagi ka sacha sathi hota hai.”