Taleem Bikti Hai....

Ikeeswi sadi(21^st century) k is dor mein agar hum dekhain tu duniya mein be-inteha taraki hoi hai.Chahay woh taraki science ki ho ya ilm-o-adab ki ho or itni hi taraki karlene k baad hum ne apni hi taraki ko ma-a-ashi zariya bana diya.Jaise science ki taraki computer hai.Or is saari taraki ka raaz taleem hai jiske zariye koi bhi insaan ya koi bhi qoum taraki karti hai kyun k  hamara aesa manna hai  k jab tak hum seekhne ke marahil se nahi guzrainn gay hum kuch nahi seekh paayen gay or is seekhne k marahil se guzarnay ka naam taleem hai jisko humnay baichna shuro kardia hai.Aj ke is dor mein ilm ho ya taleem sirf or sirf  kamai ka zariya ban kar reh gaya hai.kahin per talba agay nikal janay ki dorh(race) mein ya behtreen college or university mein admission k liye taleem ko khareedte hoye nazar atay hain tu kahin per asatza taleem ko farookht kar rhay thote hian or yeah sub hamare sath isliye ho raha hai k hamary andar sai ehsas e zimaidari khatam ho gaye hai.Hamary andar se ye ehsas khatam hogaya hai k talim hasil karnay ki chez hai  baichny ki nahe.Talim ki ehmiyat ka andaza is baat se hota hai k isko hasil krnay k liye khud hamary piyary Nabi (S.A.W) ne farmaya hai k “ilm hasil karo chahy iskay liye tumhen chen(china)he kiun na jana paray” likin hum ne is ilm ko hasil karna tou door balkay isko apnay mashray ki tarah 3 hisoun mein takseem krdia hai.Jaisa k (Cambridge system)mein sirf wohi bachay parhtay hain jin k ghar walay is system k ikhrajat ko uthanay ki haisiat rakhtay hain.Middle class loog private idarun(institutes) mein parhtay hain or nichlay tabkay(lower class) k loog govt. idarun mein parhtay hain jahan koi (check and balance) rakhnay wala nahe hota.Hum ne or humary mulk ne azadi hasil karny k baad taraki tou karli likin ye bhol gaye k is taraki ko hasil krnay ka raaz talim tha.Jisko ajj hum ne apna zariya e amdan bana dia hai.Hamary sath azadi hasil krnay wala hamara parosi mulk (India)taraki kr k kahan pouhanch raha hai or hum aj bhe wahin khary hain jahan 64 saal pehly thay or ye sub kharab talimi nizam ki wajah se hai.Humri hakoomat k pass itna time nahe k woh is nizam ko behter banana k liye kuch iqdamat karain kion k humaray jo hukumran hain who khud talim ki ahmiat se na ashna hain kion k ya tu who jantay nahi hain ya jan na nahi chahtay k koi bhi mulk usi soorat mein tarraki hasil karta hai jab woh apnay mulk k talimi nizam ko behter se behter banata jata hai. Or humary is mulk mein behter talimi nizam ki kami hai kion k hum aik aese mulk mein rehtay hain jahan talim se le kar murday ka kafan tak bikta hai…