MEHNAT MEIN AZMAT

14thJanuary 2012 Pakistan ki tareekh ka drakhshan baab hamesha k liye band ho gya. Is din Pakistan or duniya ne aik bohot hi honhar taliba Arfa Karim ko hamehsa k liye kho diya. Pakistan or duniya mein jahan jahan Arfa Karim k chahnay walay hain Arfa karim un sab k dil o dimagh mein hamesha aik yad ban kar rahay gi.Aj se taqreban 17 saal pehle Faisalabad k chotey se gaoun mein paida hone wali ye bachi khudadad salahiatoun ki malik thi or koi nahi janta tha k 9 saal ki mukhtasir si umer mein who apni mehnat or lagan ki waja se apnay mulk ki shanakht ban jaye gi. Is qabil e fakhr bachi ne 9 saal ki umer mein “IT EXPERT” ka darja hasil kar k duniya ko heran kar diya or ye sabit kia k ager lagan sachi ho tu insan bohot kuch hasil kar sakta hai.Jasay Arfa Karim  ne itni choti si umer mein aik maya naaz maqam hasil kar kay apnay na sirf apnay maa baap balkay apnay watan Pakistan ka naam fakhar se sar buland kia. Or sath hi ye sabaq bhi diya k agar zindagi mein kuch pana chahtay ho kuch banna chahtay ho tu mehnat karo, kion k mehnat mein azmat hai.